Friday, May 3, 2013

රට බංකොලොත් කරන හා ජනතාව ගොනාට අන්දවන දිනය හෙවත් මැයි දිනය

පින්තූරෙ ගත්තේ - www.toonpool.com

අවුරුද්දේ දවස් විශේෂ දින ලෙස නම් කිරීම ඇමරිකානු වෙළඳ සම්ප‍්‍රදායකි. ඇමරිකාවේ දින හදන වෙළෙන්දෝ  තමන් හදන දිනය ගැන මනරම් කතාන්දරයකුත් ඉදිරිපත් කරති. හැලොවින් ඬේ, ඞී ඬේ, පාදර්ස් ඬේ, වැලන්ටයින් ඬේ,  ආදී වශයෙන් ඇති හැම ඇමරිකන්  දිනයක් ගැනම ඔවුන් හැදු කතාවක් තිබේ.  චිකාගෝ නගරය ලෙයින් තෙත්වීමේ කතාන්දරය මැයි දිනය නිමිත්තෙන් හදා ඇති කතාවයි. 

වෙළෙන්දෝ මැයි දිනය හදා වසර ගණනාවක් ගතවෙද්දී කොමියුනිස්ට්වාදය තහනම් කිරීමට ඇමරිකානු ආණ්ඩුවට සිදු විය. ඇමරිකාව පොහොසත් රටකි. එහි නිර්ධන පංති ආඥාදායකත්වයක් ගොඩනැගීමට තතනන පිස්සන්ට එරෙහිව ඇමරිකානු රජය මෙම පියවර ගත්තේය. අනතුරුව ඇමරිකානු ආරක්ෂක සේවය කොමියුනිස්ට්වාදය පතුරුවන්නන් දඩයම් කරන්ටත් පටන්ගත්තේය. එම නිසා කොමියුනිස්ට්වාදීන් නැතිව ගියෙන්  රට තුළ මැයි දිනය පැවැත්වීමට පිරිසක් නැති විය. අදටත් ඇමරිකාවේ මොනම ප‍්‍රාන්තයකවත් මැයි දිනයක් නොපැවැත්වේ.  

ඇමරිකාව කොමියුනිස්ට්වාදයට විරුද්ධව කටයුතු කරද්දී දෙවන ලෝක යුද්ධයෙන් පසු කොමියුනිස්ට් රටවල් වූ රුසියාව ප‍්‍රධාන නැගෙනහිර යුරෝපා රටවල් මැයි දිනය ඔවුන්ගේ දිනය වශයෙන් බාරගත්හ. මෙය ඇමරිකාව සමග ඔරොප්පුවට කළ වැඩක් නමුත් සෝවියට් සංගමය කල ඔලමොට්ටල කි‍්‍රයාවකි. ඇමරිකානු වෙළෙන්දන් දින හදන්නේ ව්‍යාපාරික පරමාර්ථයෙනි. නිදසුනක් වශයෙන්  හැලොවින් දිනය ගනිමු. මේ දිනයට අලෙවි කිරීමට බොහෝ භාණ්ඩ වර්ග නිෂ්පාදනය කෙරේ. හැලොවින් භාණ්ඩ වලින් කඩ සාප්පු පිරීයයි. එයින් හැලොවින් භාණ්ඩ නිපදවන්නන්ට හා අලෙවි කරන්නන්ට කරල පැහේ. නිෂ්පාදන අංශයේ හා අලෙවි අංශයේ  විශාල පිරිසකට රැකියා ලැබේ. ආදරවන්තයන්ගේ දිනය ගන්න. මෙදාට ආදරවන්තයින් අතර මොන තරම් භාණ්ඩ හුවමාරුවේද? මිලියන ගණනක් ආදරවන්තයෝ ආපනශාලා වලට ගොස් කා බි ප‍්‍රීතිවෙති. ඒ හැම දේටම වෙළඳාම හා මුදල සම්බන්ධය. ඔරොප්පුවට ඇමරිකන් මැයි දිනය බදාගත් සෝවියට් රටවලට මැයි දිනය ජාතික ධනය නැතිකරගන්නා දිනයක් විය. එදාට මුලූ රටේම වැඩකරන හා නොකරන මිනිස්සුන්ට නිවාඩු දෙන්නට සිදුවන සියලූ නිෂ්පාදන ඇන හිටින දිනයකි. රාජ්‍ය උත්සව සඳහා අප‍්‍රමාණ මුදල් වැය කරන්නට සිදුවිය.  

ලංකාවේ කම්කරු පක්ෂය පිහිටවූ ඒ. ඊ. ගුණසිංහ පළමුවෙන්ම මැයි දින උත්සවය පැවැත්වීය. ඉන්පසුව එංගලන්තයේ ඉගෙනුම ලබා ලංකාවට ආ සුපිරි ධනපති සමසමාජය නායකයෝ මැයි දිනය පවත්වන්නට ගත්හ. මොවුන්ගේ පෙළපාලිවල ඉදිරියෙන්ම එහි නායකයෝ ගමන් කළහ. ඔවුන් පස්සේ අනුගාමිකයෝ රැළේ ගියහ. ඔවුහු නොයෙකුත් සටන් පාඨ කියමින් ආවේගයෙන් කෑගැසූහ. ඇතැම් වෙලාවට, ‘සාදුකින් පෙළෙනවුන් දැන් ඉතින් නැගිටියව්’ නමැති සින්දුවත් ගායනා කළහ. ඒ කාලයේ ගම්වල මිනිස්සු මැයි පෙළපාලි යාමට තියා බලන්නටවත් කොළඹ ආවේ නැත. එජාපය මැයි දින පොළපාලි යන්නට පටන්ගත්තාට පසුව පෙළපාලි යාම සඳහා ගම්මුන්ව ලොරි වලින් කොළඹ ඇදීමේ සිරිතක් ආරම්භ විය. එය සමගි පෙරමුණු ආණ්ඩුවේ නායකත්වය ගත් ශ‍්‍රීලනිපයත් අනුගමනය කරන්නට ගත්තේය. 

ලංකාවේ මැයි දින උත්සවය යනු රටේ දේශපාලන පක්ෂ තම තමන්ගේ බලය පෙන්වීම සඳහා නටන මහා නාඩගමකි. එදින රටේ නිවාඩු දිනයකි. සියලූම රාජ්‍ය කටයුතු නවතී. රටේ සියලූ නිෂ්පාදන ඇන හිටී. රජය සාමය ආරක්ෂා කිරීම සඳහා විශාල වියදමක් දරයි. කොළඹ නගරය ඇතුළු නගර විශාල සංඛ්‍යාවක් අපවිත‍්‍රවේ. මෙවැනි කෝළම් නටන රටවල්වල මොන ආණ්ඩු බලයට ආවත් එම රටවල් පිරිහේ.  

මැයි දිනය මොන කෙහෙම්මලකට පවත්වන දිනයක්දැයි බොහෝ දෙනා නොදනිති. එය ජාත්‍යන්තර කම්කරු දිනය යයි පුවත්පත් යනාදියේ සඳහන්වේ. එහෙත් ඇමරිකාව වැනි රටවල කම්කරුවන් නමින් පිරිසක් නැත. ශ‍්‍රමිකයිනුත් නැත. එමනිසා ලෝක කම්කරු දිනය යනු මිත්‍යාවක් හා මුළාවක් පමණි. ‘කම්කරු දිනයේ’ ජනතාව ගොනාට ඇන්දවීම මැයි දිනය ආරම්භක යුගයේ පටන්ම සිදුවිය. මේ උදාහරණයකි.

කොල්වින් ආර් ද සිල්වා සමසමාජ පක්ෂයේ උප නායකයා වූයේය. කොල්ලූපිටියේ ඔහුගේ නිවසේ ගේට්ටුව නිතරම වැසී තිබුණ අතර කිසිම සහෝදරයෙකුට එහි ඇතුල්වීමට ඉඩක් නොලැබුණි. කොල්වින්ගේ රියදුරා   මැයි දිනය දවසේ බොරැල්ලේ කැම්බල් පිටියෙන් සමසමාජ පෙළපාලිය ආරම්භවීමට පැයකට පමණ පෙර තමාගේ බයිසිකලය පැදගෙන බොරැල්ලේ වුඞ්ලන්ඞ් නිවාසය ආසන්නයට ගොස් පාර අයිනේ ටික වේලාවක් සිටී. කොල්වින් කාර් එක පදවාගෙන එතනට විත් රියදුරාට වාහනය දී බයිසිකලය ගනී. රියදුරා කාර් එකේ ඇති වතුර බෝතලය ගෙන කොල්වින්ගේ පිට තෙමයි. ඒ දාඩිය දමා ඇති බව පෙන්වීමටයි ඊළඟට කොල්වින් බයිසිකලය පදින්නට ගනියි. බොරැල්ල හන්දියේ පිරී සිටින සමසමාජකාරයෝ ‘කොල්ලූපිටියේ සිට හතිදාගෙන බයිසිකලය පැදගෙන පෙළපාලියට එක්වන්නට එන නායකයා’ දැක ‘කොල්වින් සහෝදරයාට ජයවේවා’ කියමින් හුරේ දාති.  කොල්වින් ඔවුන්ට අත වනාගෙන බයිසිකලය පැදගෙන බැටී වීරකෝන්ගේ නිවසට යයි. එයද සහෝදරයන්ට ඇතුල්වීමට නොහැකි නිවාසයකි. බැටීගේ නිවසේ බයිසිකලය දමන කොල්වින් පයින් බොරැල්ල හන්දියට එයි. සහෝදරවරු කොල්වින් දුටු ගමන් දුවගෙන විත් ඔසවා ගනිති. ජයවේවා කියමින් හුරේ දමා දමා කරපිටින් කැම්බල් පිටියට ගෙන යති.  

වර්තමානයේ ජනතාව ගොනාට අන්දවන මීටත් වඩා හිනාකන වැඩ සිදුවේ.  

Tuesday, April 23, 2013

ඇසට පෙනුණත් මුස්ලිම් සහෝදරත්වයට නොවැටහෙන ද්විත්ව රංගනය



ඉස්ලාම් මූලධර්මවාදය ලෝකයට පැතිරයන්නේ සවුදි අරාබිය නමැති රටෙනි. එහි රජුට උපදෙස් දෙන, රජුට වඩා බලවත් ආගමික හමුදාව (හෙවත් වහබිවරු) නොයෙකුත් මූලධර්මවාදී මත ලෝකය පුරා ව්‍යාප්ත කරති. පුහුණු කරන ලද වහබින් සහ මුදල් රට රටවලට පොම්පා කිරීම එම මූලධර්මවාදී ක‍්‍රියාවේ අංග දෙකකි. ලංකාවේ හලාල් ආක‍්‍රමණය සඳහා මූලික වූ පිරිස කවුදැයි සොයා බැලූවොත් ඒ වනාහි ඉස්ලාම් ආගමික පාසැල් (මද්රාසා)  පිහිටවූ හා ඒවායේ ඉගැන්වීමට පැමිණි වහබිවරුන් බව පැහැදිලි වේ. වහබින් කටයුතු කරන්නේ 15 වෙනි සියවසේ ස්පාඤ්ඤ සහ පෘතුගීසි හමුදා සමග අප‍්‍රිකා, ආසියා, ඇමරිකා රටවලට ගිය ජෙසුයිට් හා ප‍්‍රැන්සිස්කන් සභාවල පාදිලින්ට සමාන ලෙසිනි. එකම වෙනස වහබින් මුදල් සමග රට රටවලට යාමයි. ජෙසුයිට්ලා ආවේ හිඟන වෙසිනි. පෘතුගීසින්ට ධනය රැස්කර දීම මේ යාචක පාදිලියන්ගේ අරමුණක් වූයේය. 

මැදපෙරදිග කලාපයේ ඇමරිකාවේ හොඳම මිතුරා සවුදි අරාබිය හා එහි රජ පවුලයි. ඇමරිකානු හමුදා කඳවුරු සවුදියේ තිබේ. විශාල ඇමරිකානු සමාගම් එහි ඇත. සවුදි රජ පවුලේ අය විවාහ කරගත් ඇමරිකානු කාන්තාවන් සෑහෙන සංඛ්‍යාවකි. ඇමරිකාව සවුදිය ආරක්ෂා කරන අතර සවුදිය විශාල වශයෙන් ඇමරිකාවෙන් අවි ආයුධ යන්ත‍්‍ර සූත‍්‍ර මිලයට ගනී. මේ අතර සවුදිය වහබිවාදය රටරටවලට ප‍්‍රචාරය කරයි. ඇමරිකාව මේ ගැන නොදන්නා සේ හැසිරෙයි. එම නිසා වෙනත් ලෙසකින් කීවොත් වහබිවාදය ලොව පැතිරෙන්නේ ඇමරිකානු ආවරණයක් ඇතිවය.   

මේ අතර ඉස්ලාම් මූලධර්මවාදයට හා ත‍්‍රස්තවාදයට එරෙහිව ඇමරිකාවේ සිට නොයෙකුත් මෙහෙයුම් ක‍්‍රියාත්මක වේ. ලිබියාව, ඉරාකය ආදී රටවල් වැටී ඉරානය පමණක් ඉතිරිවී ඇත්තේ මෙම මෙහෙයුමේ බලයෙනි. ඉරානයේ  ඉරණම ගැන අපි කතා නොකරමු. ඇමරිකාවේ සිට මාධ්‍ය මගින් විශේෂයෙන්ම පත්තර, අන්තර්ජාලය, රූපවාහිනිය ආදිය ඔස්සේ මතවාදී මෙහෙයුමකුත්  ක‍්‍රියාත්මත වේ. "ක‍්‍රිස්ටියන් බ්‍රෝඞ්කාස්ටින්" (හෙවත් සිබීඑස්) දෙස බලන්න. ඔවුහු ක‍්‍රිස්තියානි පාර්ශවය වෙනුවෙන් ඉස්ලාම් මූලධර්මවාදයට විරුද්ධව තදින් වැඩ කරති. ’ජිහාඞ් වොච්’ වැනි බ්ලොග් ඉස්ලාම් මූලධර්මවාදයට තදටම බැටේ දෙති. 

ජිහාඞ් වොච් අධ්‍යක්ෂකවරයා රොබට් ස්පෙන්සර් ඇමරිකානුවෙකි. ඔහු ඉස්ලාම් මූලධර්මවාදය හා ත‍්‍රස්තවාදය ගැන පොත් 13ක් ලියා තිබේ. මේ සමහර පොත්වලට ඇමරිකානු ආයතන වලින් සම්මාන හිමිව ඇත. ස්පෙන්සර්ගේ තාත්තා ‘වොයිස් ඔෆ් ඇමරිකා’ ආයතනයේ සේවය කළ අතර රොබට් සපෙන්සර් දැඩි මතධාරී කතෝලිකයෙකි. ඔහු ඇමරිකාවේ කතෝලික සභාව හා ඉතා කිට්ටු සම්බන්ධකම් ඇත්තෙකි. (අන්තර් ජාලයෙන් රොබට් ස්පෙන්සර් බලන්න. ඔහුගේ ජිහාඩි වොච් බ්ලොග් එකත් බලන්න.)

සවුදියේ සිට මෙහෙයවන ඉස්ලාම් මූලධර්මවාදය, ලංකාවේ මූලධර්මවාදී ඉස්ලාමිකයින් බිහි කරයි. ඔවුහු බෞද්ධයන්ට එරෙහිව නොයෙකුත් ක‍්‍රියාකරති. දීඝවාපිය වැනි අති පැරණි සිද්ධස්ථාන පවා ආක‍්‍රමණයට හසුව ඇත. මූලධර්මවාදය වෙනුවෙන් වැඩකරන ඇතැම් ඉස්ලාම් දේශපාලන නායකයෝ සිංහල - මුස්ලිම් ජාතික එකමුතුව බිඳිති. බෞද්ධ අයිතිවාසිකම් ගැන කතාකරන බෞද්ධ සංවිධානයන්ට අන්තවාදීන් යයි මඩ ගසති.  ඔවුන්ට එරෙහිව අන්තර් ජාතික නමින් හඳුන්වන සංවිධානවලට පැමිණිලි දමති. මොවුන්ගේ විලක්කුවට නටන සිංහල දේශපාලනඥයෝ සිංහල බෞද්ධ සංවිධාන වලට ගොරවති. නැතිනම් ගොලූවන් සේ රඟපාති. 

රොබට් ස්පෙන්සර් කතෝලික නායකයාගේ අලූත්ම පොත ‘නොට් පීස් බට් එ ස්වෝඞ්’ Not Peace But a Sword – Robert Spencer   කියවූ විට ද්විත්ව රංගනය කුමක් දැයි වැටහීමක් ලබාගැනීමට පුළුවන.

Tuesday, April 9, 2013

මග සිටියොත් තෝ නසී - ගෙදර ගියොත් අඹු නසී



රජරට ප‍්‍රදේශයෙන් පැතිරීම ඇරඹුණු වකුගඩු රෝගයට සම්බන්ධ කතාවක් කීමට තිබේ. මෙම රෝගයට ප‍්‍රධාන හේතුව කෘමිනාශක, ශාක නාශක සහ පොහොර වශයෙන් අධික ලෙස රසායනික ද්‍රව්‍ය භාවිතා කිරීම යයි පැහැදිලි කළ විද්වතුන් පිරිස ඔවුන් මේ වග පළමුව දැනගත්තේ නාථ දෙවියන්ගෙන් යැයි කීහ. මේ කතාව ඇසූ සමහරු බඩ අල්ලාගෙන සිනාසුනහ. මෙසේ බඩ අල්ලාගෙන සිනාසුන පිරිස අතර නොයෙකුත් ආගම් අදහන්නෝ සිටිති. නොවරදවාම ඉරිදා පූජාවට යන්නෝ සිටිති. දිනපතා පස්වරක් දෙවියන්ට යාඥා කරන්නෝ සිටිති. දෙවියෝ කවුද? ඉස්ලාම් දෙවියා සැබෑ නම් ක‍්‍රිස්තියානි දෙවියා සැබෑ නම් බෞද්ධයන් දෙවියෙකු ගැන කියන විට එය බොරුවක් යයි පැවසීම ආගමික අන්තවාදයක් නොවේද? අන්තවාදියා හැමවිටම තමන්ගේ දේ පමණක් නිවැරදි යයි සිතයි.

බෞද්ධ නොවන සියලූ දෙනා මැවුම්කරුවෙකු අදහති. යොහෝතුමා මෝසස් සමග කතා කළ හැටි, එතුමා මෝසස්ට කී කාරණා බයිබලයේ පරණ තෙස්තමේන්තුවේ සඳහන් වේ. ඒ දෙවියන්ගේ පුත‍්‍රයා තම පියාට කුරුසියේ සිටිද්දීත් කතා කළ බව අලූත් ගිවිසුමේ සඳහන් වේ. කුරානය පිරී ඇත්තේ අකුරු කියවීමට නොදැන සිටි මොහොමඞ්තුමාට දෙවියන් කී කතා වලිනි. එබැවින් තර්කයට අනුව ආසනික් විස පිළිබඳව නාථ දෙවියන්ගෙන් දැනගත්තේය යන ප‍්‍රකාශයට කිසිම දේව බැතිමතෙකුට  විරුද්ධ විය නොහැක. දෙවිවරුන්ගෙන් පණිවිඩ දැනගැනීමට හැකිය යන ප‍්‍රකාශය අසත්‍යයක් නම් බයිබලය, කුරානය, භගවත් ගීතාව වැනි සියලූම පොත් පච පොත් ලෙස සලකා ඉවත දැමීමට සිදුවේ. ආසනික් කතාව පිළිගනී නම් බෞද්ධයින්ගේ දෙවියෙකු පිළිගැනීමක් සිදු වේ. මෙතැන සිදුවන්නේ බමුණාට සිදු වූ දෙයයි. මග සිටියොත් තෝ නසී - ගෙදර ගියොත් අඹු නසී වැනි දෙයකි.   

නාථ දෙවියන් මොන භාෂාවෙන් මේ පණිවිඩය දුන්නා දැයි ඇසීමට නොහැක. හේතුව නාථ දෙවියෝ ඉන්දියාව, චීනය, ජපානය, කොරියාව, ටිබෙටය, ලංකාව ඈ හැම රටකම ඇදහූ දෙවියෙකු බැවිනි. එතුමා බහුභාෂික දෙවියෙකි. යොහෝතුමා, අල්ලාතුමා වැනි එක භාෂාවක් පමණක් දැන සිටි දෙවියෙක් නොවේ.

එබැවින් අපට වැටහෙන්නේ වකුගඩු රෝගය හා නාථ දෙවියන් සම්බන්ධ කරගැනීම තර්ක ශාස්ත‍්‍රයට සම්බන්ධ කාරණයක් හැටියටය. බුද්ධාගම යනු තර්ක ශාස්ත‍්‍රය ගොඩනැංවූ හා දියුණු කළ ආගමකි. තර්ක ශාස්ත‍්‍රයට සම්බන්ධ නොයෙකුත් න්‍යායන් ඉන්දියාවේ ජීවත්වූ බෞද්ධ තාර්කිකයින් ඉදිරිපත් කර තිබේ. නමුත් ඊශ්වරවාදය (මැවුම්කරුවෙක සිටී යන මතය) තර්කවාදයට ඉඳුරාම පටහැනි දෙයකි. එය භක්තිවාදය හා සම්බන්ධ වේ. භක්තිවාදියා තර්කවාදය ප‍්‍රතික්ෂේප කරයි. අන්තවාදියෙක් වෙයි. තර්කවාදය මැඞීමට හැකි සෑම වෑයමක්ම දරයි. 

බෞද්ධයෝ තිස්තුන් කෝටියක් දෙවිවරුන් සිටිතැයි කියති. ඉස්ලාම් හා ක‍්‍රිස්තු භක්තිකයෝ, ‘නෑ එක දෙවියෙක් හා සාතන් කෙනෙක් ඉන්නවා’යි කියති. ‘හිරු බිලියන ගණනකි. විශ්වය අනන්ත වූවකි. එසේ නම් එක දෙවියෙකු සිටින්නේ කෙසේද?’ බෞද්ධ තර්කවාදීහු ඇසූහ. ඊට පිළිතුරු ආයේ කඩුවෙන් හා ගින්නෙනි. බුදුදහම අන්තවාදී ආගමක් යයි කියන බොහෝ දෙනා ආගම් නිසා අන්ධභාවය පත් වී සිටිති. 

Thursday, March 28, 2013

අමනකමත් පාවාදීමකි


හොඳටම මහලූ වියේ පසු වූ රාමගේ පියා බාල කෙල්ලක පාවා ගත්තේය. එය රාමගේ පියාගේ හතර වෙනි විවාහයයි. ඇය තමන්ගේ පුතාට රජකම ලබාදෙන්නට තීරණය කළාය. රජකම උරුමවීමට නියමිතව සිටි පළමු විවාහයේ පුතා රාම මරණයෙන් බේරී වනගත වුණි. ඔහු සමග භාරියාව සීතා සහ ලක්ෂ්මන් සොහොයුරාද වනයට ගියහ. ඉන්පසුව තවතව දේ සිදු විය. ලංකාපුරයේ රාවණා සීතාව පැහැර ගෙන ගියේය. රාම, ලක්ෂ්මන් සහ වානර හමුදාව රාවණාගේ ලංකා පුරය ගිනි තබා සීතා ආපසු ගෙන ආහ. මේ කතාව අඩංගු රාමයණය හින්දුන්ගේ නිර්මාණයකි. රාමයණ කතාවක් පැරණි සිංහලයන් දැනගෙන හිටියේ නැත. උගත් ජනයා මේ කතාව දැන සිටියා නම් වැදගම්මකට නැති ප‍්‍රබන්ධයනක් වශයෙන් බැහැර කළහ. වර්තමානයේ රටේ පිරිසක් රාවණා ලංකාවේ සිටි ප‍්‍රතාපවත් රජෙකු යයි කියති, ලියති, අදහති. රාවණා ලංකාවේ පාලකයකු වශයෙන් සැලකීම හින්දු ආගම ගෙඩිය පිටින් ගිලීමක් බව මොවුන්ට නොවැටහේ.

ඉන්දියා ඉතිහාසයේ නරකයෙකු ලංකාවේ ශ්‍රේෂ්ඨ රජෙකු යයි මොරගාමින් සිටි පිරිස් අතුරෙන් සමහරු දැන් අලූත් කතාවක් ඉදිරිපත් කරති. හිට්ලර් හෙළයේ විසූ නායකයෙකු යයි කියති, ලියති. අන්තර්ජාලයෙන් ඒ විස්තර ප‍්‍රචාරය කරති. මේ වැඩ එක්කෝ අමනකමට කරන දේ විය යුතුය. නැතිනම් ජාතිය පාවාදීමට හා ජාතියට අගෞරව කිරීමට කරන ක‍්‍රියාය.

ජර්මනියේ හිට්ලර් මිහිපිට බිහිවූ දරුණුම මිනීමරුවෙකි. ඔහු වයස්, ලිංග භේදයක් නැතිව ජර්මනියේ විසූ යුදෙව්වන් ලක්ෂ ගණනක් මරා දැමුවේය. ජිප්සි ජනයා දසදහස් ගණනක් මරා දැමුයේය. ආබාධිත ජර්මානු ජාතිකයන් පවා මරා දැමුවේය. අමනයෙකුට මිස මේ දුෂ්ඨ මිනිීමරුවා හෙළයෙකු යයි කියන්නට නොහැකිය. අමනකම ජාතිය පාවාදීමකි.
දෙමළ ජාතිය බොරු සාක්ෂි ඉදිරිපත් කරමින් හෝ ඉන්දු නිම්න ශිෂ්ඨාචාරයේ උරුමය කියති. සිංහල දේශයේ උරුමය ප‍්‍රකාශ කරති. ඉන්දියාවේ අතීතයේ විසූ චාණක්‍ය, වාත්ස්‍යාන වැනි හැම ප`ඩුවෙකුම ද්‍රවිඩ ජාතියෙකු යයි කියති, ලියති. ඉස්ලාම්වරුද මේ ක‍්‍රියාවම කරති. ඉන්දියාවේ විද්‍යාව, ගණිතය ආදි සියල්ලක්ම අරාබියට ගත් හැටි නොකියා අරාබි ශිෂ්ඨාචාරය විසින් ලොවට නවීන විද්‍යාව, ගණිතය ආදි සියල්ලක්ම දුන් බව කියති.

අමනයින් හෙළයන්ගේ ලොකුකම කියන්නේ රාවණා, හිට්ලර්, පොල්පොට් ආදීන් හෙළයන්ට සම්බන්ධ යයි කීමෙනි. මෙය අමනකමකට කරන ක‍්‍රියාවක් නොව හිතාමතාම කරන ජාතිය පාවාදීමක් නම් එය සංස්කෘතික ත‍්‍රස්තවාදයකි.       


Wednesday, March 27, 2013

කාන්තා අයිතිවාසිකම් පනත් ෂාරියා නීතියට පටහැනියි


‘එක්සත් ජාතීන්ගේ සංවිධානය විසින් ලෝක සම්මත කිරිමට උත්සාහ කරන කාන්තා අයිතිවාසිකම් පනත් ෂාරියා නීතියට පටහැනිය. එමගින් කාන්තාවන්ට හිතුමතේ  ඕනෑම දෙයක් කරන්නට ඉඩ ලැබේ. මෙය ඉස්ලාම් දහම දුර්වලකර ඉස්ලාම් පවුල කඩා විසුරුවා ඉස්ලාම් සමාජ සංස්ථාව විනාශ කිරීමෙ වෑයමකි’ යයි ඊජිප්තුව රජය ප‍්‍රකාශ කර සිටී. කාන්තා හිංසනය වැළැක්වීමට කාන්තා අයිතිවාසිකම් පනතක් මාර්තු මාසයේදී සම්මතකර ගැනීමට එ.ජා. සංවිධානය සූදානම් වෙයි. මීට විරුද්ධව සියලූම ඉස්ලාම් රටවල් එක්සත්ව නැගී සිටිය යුතු බව ප‍්‍රකාශ කරමින් ඊජිප්තු රජය විශේෂ ප‍්‍රකාශනයක් නිකුත්කර තිබේ.

ඉස්ලාම් ලෝකය පාලනය කරන්නේ දැඩි නීති හා සම්මතයන් ආධාරයෙනි. ෂාරියා නීතිය යටතේ ඒ නීති හා සම්මතයන් කඩකරන්නන් අපරාධකරුවන් වශයෙන් සලකා ද`ඩුවමට ලක්කරති. නීතියෙන් හා පුරුෂයා විසින් කාන්තාව පාලනය කිරීම හැම මුස්ලිම් සමාජයකම සිදුවන ක‍්‍රියාවකි. කාන්තාව පාලනය කිරීම යනු ඉස්ලාම් ආගම ආරක්ෂා කරගැනීමේ එක ක‍්‍රියාවකි. එ.ජා. සංවිධානය මෙහෙයවන ක‍්‍රිස්තියානි රටවල් කාන්තාව පාලනය කරනු ලැබීමෙන් ඉවත් කිරීම මගින් ඉස්ලාම් ආගමේ පදනම බිඳීමට උත්සාහ කරන බව මුස්ලිම් සහෝදරත්වයේ අදහසයි.

ෂාරියා නීතියෙන් හා අරාබි දර්ශනයෙන් කාන්තාව නිදහස ලබාගන්නට උත්සාහ දරන මේ යුගයේ ලංකාව වැනි රටවල සිදුවන්නේ ඊට වෙනස් දෙයකි. සිංහල බෞද්ධ සමාජයේ අනුග‍්‍රහය හා ආභාසය ලබමින් නිදහසේ ජීවත්වූ ඉස්ලාම් කාන්තාව ෂාරියා නීතියට යටත් වෙමින් දිනෙන් දින පාලනය වෙන හැටි පැහැදිලිව පෙනේ. මේ සමග උස් නිදහසක් භුක්ති විඳිමින් ජීවත් වූ ඇතැම් සිංහල තරුණියන් ඉස්ලාම් ආගමිකයන් සමග විවාහවී විඳින වේදනාව ගැනද අපි සිහිපත් කරමු.


Sunday, March 24, 2013

මාලේ වැසියවන් ගෙන්වීමේ සැඟවුණු ඇත්ත



ඉතිහාසයට අනුව මාල දිවයිනේ හා සිංහල දේශයේ ජනපද පිහිටුවූවෝ එකම කණ්ඩායමක පිරිස් දෙකකි. මේ රටවල් දෙකම බෞද්ධ රටවල් වශයෙන් සමීප සම්බන්ධකම් පවත්වාගෙන සිටියහ. නමුත් ඉස්ලාම් ආක‍්‍රමණ වලින් පසුව මාල දිවයින මුස්ලිම් රටක් විය. එහි සියලූ වැසියෝ (සියයට සියයම) සුන්නි මුස්ලිම් ආගමිකයෝ වෙති. මේ රට මොන තරම් මූලධර්මවාදයට නැඹුරුවී ඇත්ද යත් වෙසක් කාඞ් පතක් හෝ රට ඇතුළට බාර නොගනී. බෞද්ධ ඉතිහාස පොත් රට තුළට ගෙනයාම නීති විරෝධී ක‍්‍රියාවකි. මේ වසරේ එහි කෞතුකාගාරයට කඩාපැන්න අන්තවාදියෝ කෞතුකාගරයේ වූ බුදු රූ සියල්ල කුඩුකර දැමූහ.  

මාලේ සිසුන් ඉගෙනීම සඳහා ලංකාවට එති. වෛද්‍ය පහසුකම් සඳහා එහි වැසියෝ ලංකාවට එති. මේ ක‍්‍රම දෙකටම වෙනස් අයුරින් මාල දිවයින් වැසියන් ලංකාවට ගෙනවිත් පදිංචි කරවිමේ කුට ජාවාරමක් දැන් පවතී. සමහරු ඉගෙනූම ලබන දරුවන්ගේ දෙම්ව්පියන් ලෙස එති. සමහරු රෝගීන්ගේ ඥාතීන් වශයෙනි. මේ ආකාරයට නොයෙක් ක‍්‍රම වලට ලංකාවට රිංගන මාලේ වැසියෝ ලංකාවේ පදිංචි වෙති. කොළඹ දිස්ත‍්‍රික්කයේ පමණක් වීසා නැති දහස් ගණනකි. දෙහිවල, රත්මලාන වැනි ප‍්‍රදේශයන්හි මාල දිවයින් කොලොනි ඉදිවෙමින් පවතී. දහස් ගණනක් මාල දිවයින් ජාතිකයන් ලංකාවේ දේශපාලන සරණ අයදුම් කරති. මේ අතර නොයෙකුත් කුට උපක‍්‍රම භාවිතා කරමින් ඔවුන් ලංකාවේ පුරවැසියන් කරවීමේ වැඩ සටහනක් ක‍්‍රියාත්මක වෙමින් පවතී. මාලදිවයින අනාගතයේ මුහුදුබත් වන නිසා ඔවුන්ට භූමියක් සොයාගැනීමේ අවශ්‍යතාවය පිළිබඳව කලක සිටම කතාබහක් පවතී.

මාල දිවයින් වැසියන් ලංකාවට ගෙන්වා පදිංචි කරවීම පිටුපස මුස්ලිම් හස්තයක් ක‍්‍රියාත්මක වන බව දැනගන්නට ලැබේ.  මාල දිවයිනේ දේශපාලන තත්වය නරක නිසා ඔවුන්ට ලංකාවේ ඉන්ඩ ඉඩ දිය යුතු යයි කියා සිටින පිරිසක්ද වෙති. මේ සතියේ ‘මිනිවන් නිවුස්’ ඇතුළු  මාල දිවයින් පුවත් පත් කිහිපයක්ම මාලේ සංක‍්‍රමණිකයන් පිළිබඳ කතා කළ පාඨලී චම්පික රණවක ඇමතිවරයාව විවේචනය කර තිබුණි.
මාල දිවයින බෞද්ධ විරෝධී ප‍්‍රතිපත්තියක පිහිටා කටයුතු කරන රටකි. ඔවුහු එහි වෙසෙන සිංහල බෞද්ධයෙකුට බෞද්ධ පොතක් පතක් තියා වෙසක් කාඞ් එකක් වත් රට ඇතුළට ගෙනයන්ඩ ඉඩ නොදෙති. මාලේ රට සියයට සියයක් මුස්ලිම් යයි ඔවුහු ආඩම්බරයෙන්  කියති. එහි වැසියෝ ලංකාවට පැමිණ ඉස්ලාම් ආගමික වැඩ කරති. ඉස්ලාම් සංවිධාන වලට බැඳී ඉස්ලාම් මූලධර්මවාදය වපුරති. පේදුරුතුඩුවේ සිට දෙවුන්දර තුඩුවට එකම නීතියක් ඇතැයි  කයිවාරු කෙලින රටේ මේවා අරුම පුදුම නීති නොවේ ද?

මාල දිවයින් ප‍්‍රශ්නය කතා කිරීමට රජයට නොහැකිය. ඊට හේතුව ඇමරිකාව ඇතුළු බටහිර රටවල් ලංකාව මානව හිමිකම් කොක්කේ එල්ලීමට සූදානම් වන විට ඉන්දියාවත් ලංකාවට හතුරුකම් කරන තත්වයක් යටතේ, අසල්වාසී ඉස්ලාම් රටවල් අමනාප කරගැනීමට ලංකාවට නොහැකි බැවිනි. නමුත් මෙය ප‍්‍රශ්නයකි. අනාගතයේ අප රටට මුහුණ දෙන්නට සිදු වන භයානක ප‍්‍රශ්නයක කොටසකි.  

Friday, March 22, 2013

සමාජවාදි ශිෂ්‍ය සංගමය සහ මාලූ වෙළෙන්දා


සමාජවාදයක් ලෝකයේ කොහේවත් දැන් නැත. ලෙනින්, ස්ටැලින්, පොල්පොට්, මා ඕ සේතුං ආදී සමාජවාදයේ නිර්මාතෘවරු සියලූ දෙනාම අතිබිහිසුණු මිනීමරුවන් බව දැන් මුළු ලෝකයම පිළිගෙන හමාරය. එහෙත් ලංකාවේ සමාජවාදයක් ගොඩනගන්නට පිටපොට ගසන සමාජවාදී ශිෂ්‍ය සංගමයක් ලංකාවේ පවතී. 88 89 කාලයේ සිංහල බෞද්ධ තරුණ තරුණියක් දස දහසක් නිරාපරාදේ බිල්ලට යැවීමට මූලික වූයේ මෙම සංගමයමය. අප මහපාරේ යන විට එක්තරා මාලූ වෙළෙන්දෙක් ඔවුන්ගේ පෝස්ටර්යක් කියවමින් සිටිනු දක්නට ලැබුණි.  

‘ජාතිවාදය අවුස්සන්නේ නැතිව සිංහල, දෙමළ, මුස්ලිම් හැමට සහයෝගයෙන් එකට ජීවත් වෙන්නට ඉඩ දියව්’ සමාජවාදී ශිෂ්‍ය සංගමය.

මාලූකාරයා අප දෙස බලා මෙසේ ඇසුවේය.

‘‘මුන් බුරුවො? ද ශිෂ්‍යයොද? එක්සත් ජාතික පක්ෂය කිව්ව හැටියෙ එතන ජාතිවාදය. ඉලංගෙයි තමිල් අරිසු කච්චි කියපු හැටියෙ එතන ජාතිවාදය. මුස්ලිම් කොන්ග‍්‍රස් කිව්ව හැටියෙ ජාතිවාදය. ඉතින් මුන් මේ කාටද බනින්නෙ?’’

අපි පිළිතුරක් නොදී ගමන් කළෙමු.

පිටුපා යන අපට මාලූකාරයා මෙසේ කීවේය.

‘‘අර තමිල්නාඩුවෙ හාමුදුරුවරුන්ට ගහන්නෙ එහෙ ආගම්වාදය ජාතිවාදය නැති හින්ද ද? ඇල්ටීටීඊකාරයො සිංහලයන්ව මැරුවෙ හැමට සහයෝගයෙන් එකට ජීවත්වෙන්ඩ දෙන්ඩ  ඕන හින්දද? කතාව  මගඇරල යන්ඩ එපා.  සමාජවාදය කියන්නෙ කොමියුනිස්ට්වාදයට. ඒකෙ හැමට සහයෝගයෙන් ජීවත්වෙන්ඩ පුළුවන් කියල එකක් නෑ. අපේ තාත්තල මේ පාරවල්වල ‘අදිරදේ සුන් කරව්, ධන බලේ නැතිකරව්’ කිය කියා පෙලපාලි ගියා. ඒ කිව්වෙ පංති සටන ගැන. සමාජවාදීන්ට සහයෝගයක් නෑ. මුන් බූරුවොද? ශිෂ්‍යයොද?